Kijan pou fe tranzaksyon ak Kat KrezyPay ou a

Chè Kliyan,

Nou remèsye ou paske w ap itilize KrezyPay. Nou vle ede w konprann kijan pou w itilize kat Visa oswa Mastercard KrezyPay ou san pwoblèm. Gid sa a ap montre w kèk etap enpòtan pou asire tranzaksyon ou yo mache byen.

1. Verifye Fon Disponib sou Kat la

Premye etap la se asire w ke gen ase lajan sou kat ou a pou tranzaksyon w ap eseye fè a.

Si kantite lajan an pa ase, tranzaksyon an ap rejte otomatikman.

Ou ka tcheke balans ou:

• Nan aplikasyon mobil KrezyPay
• Sou sit entènèt KrezyPay

2. Otorize Chak Tranzaksyon

Apre ou fin fè yon depo sou kat KrezyPay ou, li enpòtan pou w otorize tranzaksyon an anvan ou peye.

Sa vle di ou dwe mete kantite lajan w ap depanse a nan balans otorizasyon an.

Pou fè sa nan aplikasyon KrezyPay la:

1. Ale sou kat ou a
2. Klike sou bouton Authorization
3. Mete kantite lajan ou pral peye oswa achte a
4. Konfime tranzaksyon an ak PIN sekirite ou

Durée otorizasyon an:

Otorizasyon an valab pou 10 minit sèlman.

Si tranzaksyon an pa fèt pandan tan sa a, bank lan ap retire otorizasyon an epi retounen lajan an nan balans prensipal ou.

Kantite lajan pou otorizasyon:

Ou dwe mete egzakteman kantite lajan ou pral itilize pou acha oswa peman an.

3. Frè Tranzaksyon yo

Pou chak tranzaksyon ou fè ak kat KrezyPay ou, bank lan aplike frè sa yo:

• 1.00 USD frè fiks
• + 1% sou montan tranzaksyon an

Egzanp Frè Tranzaksyon

Acha 3 USD

• Frè fiks: 1.00 USD
• 1% sou 3 USD = 0.03 USD

Total tranzaksyon an ap 4.03 USD

Acha 10 USD

• Frè fiks: 1.00 USD
• 1% sou 10 USD = 0.10 USD

Total tranzaksyon an ap 11.10 USD

4. Limit Tranzaksyon pou Nouvo Kat

Pou rezon sekirite, nouvo kat KrezyPay yo gen yon limit tranzaksyon pandan premye jou yo.

Pandan premye 7 jou yo:

• Limit tranzaksyon an se 25 USD pa jou

Sa se yon mezi sekirite pou ede nou asire ke itilizatè yo konprann kijan pou itilize kat la kòrèkteman.

Pou ogmantasyon limit la:

Ou pa bezwen fè okenn demann.

Aplikasyon an ap notifye w otomatikman.

Pou verifye si limit ou ogmante:

1. Ale nan Paramèt kont ou
2. Chèche seksyon Limit Kat
3. Aplikasyon an ap montre w si limit la ogmante

5. Pwoblèm Komen ak Solisyon yo

Tranzaksyon rejte

• Verifye si ou gen ase lajan sou kat la
• Asire w ou fè otorizasyon tranzaksyon an

Frè a pi wo pase sa w te panse

• Sonje gen 1 USD frè fiks + 1% sou montan tranzaksyon an

Ou pa resevwa kòd konfimasyon

• Tcheke si telefòn ou gen bon rezo
• Oswa kontakte sipò kliyan KrezyPay

Bezwen Èd?

Si ou kontinye gen pwoblèm ak kat ou a, pa ezite kontakte sèvis kliyan KrezyPay. Ekip nou an toujou la pou ede w.

Mèsi pou konfyans ou ak pou itilize KrezyPay.

Sensèman,

Ekip KrezyPay

Updated on: 14/03/2026